   Во рамките на проектот „Активно вклучување на младите во организациските практики на МСП“, Младински Совет Прилеп има потреба од набавка на услуги од 1 (еден) ИТ експерт (монтажер) за спроведување на проектна активност – Видео со анимација за известување за организациските постигнувања. За таа цел, Младински Совет Прилеп објавува:
🔶Опис на активностите на ИТ експертот (монтажерот): ИТ експертот (монтажерот) за подготовка на видеото ќе биде задолжен да изработи сценарио за видеото со анимација во соработка со вработените и локалните волонтери на Младински Совет Прилеп кое треба да ги прикажува организациските постигнувања на МСП во последните три години. Исто така, активноста опфаќа и реализација/снимање на видеото и негова монтажа. Видеото со анимација треба да ја прикаже реалната состојба на организацијата, спроведените активности и проекти, финансиските резултати и распределбата на средствата, со што на еден креативен начин би се зголемила транспарентноста на МСП пред младите, но и кон останатите партнери и донаторите. Воедно, промотивното видео може да вклучува и кратки изјави на наши поранешни локални волонтери или ЕВС волонтери, на кои искуството во МСП им помогнало да станат успешни, она што се денес. 🔶Очекувани резултати: а) Подготовка, снимање и монтажа на видео со анимација за известување за организациските постигнувања: - Подготвено сценарио за видео со анимација - Реализација/снимање на видеото со анимација - Монтажа на видеото б) Доставена документација - Договор за услуги - Изјава за извршена работа - Временска табела 🔶Основни критериуми за селекција - Завршени додипломски студии во полето на информатички науки/графички дизајн или сродни области (кандидатите со завршени постдипломски и/или докторски студии ќе имаат предност) - Најмалку 2 години искуство на кандидатот во дизајн, креирање и монтажа на видео материјали - Најниска понудена цена 🔶Период на спроведување Потребно е да се испорачаат услугите во периодот од 20 август 2019 година – 14 септември 2019 година. 🔶За учество на овој јавен повик, можете да се пријавите со испраќање на: - Пропратно писмо - Кратка биографија - CV - Листа со референци поврзани со барањето на овој повик - Предлог сценарио за видеото - Финансиска понуда (Формата за понуда е во состав на оваа тендерска документација) 🔶Апликацијата се доставува во електронска форма: 🔶Предмет за електрoнска достава: 🔶Краен рок за доставување на понуда е 15.08.2019, најдоцна до 16:00 ч. 🔶Понудите што ќе пристигнат по изминување на наведениот рок, како и оние кои не се доставени според условите на повикот, нема да бидат земени предвид. 🔶За подетални информации може да не контактирате на е-маил адреса: contact@ycp.org.mk 🔶Документот со насоки за понудувачите на овој тендер може да го симнете на овој линк: БУЛЕВАР НА МИСЛЕЊА ВО КРУШЕВО Младински Совет Прилеп во соработка со Младински Совет Крушево и Општина Крушево спроведува проект за подготовка на Локална Младинска Стратегија во општина Крушево. Проектот опфаќа активности за воспоставување структура за подготовка на петгодишна младинска стратегија (2019 – 2023 година), како и активности за утврдување на потребите и можните решенија кои треба да ја сочинуваат содржината на локалната младинска стратегија. Со пополнувањето на овој прашалник и ти ја имаш можноста да го дадеш своето мислење и да придонесеш во подготовката на локалната младинската стратегија која треба да одговори и на твоите потреби. Прашалникот е анонимен и сите податоци ќе се користат само за изведување на статистички анализи. Проектот „Креирање на Локална Младинска Стратегија во Општина Крушево“ е имплементиран во рамки на проектот „Граѓанските организации во служба на локалната демократија“ спроведен од АЛДА Скопје, Европско движење Македонија и Здружението на финансиски работници на локалната самоуправа и јавни претпријатија со финансиска поддршка на Европската унија преку ИПА 2 инструментот _________________________________________________________________________________ ЈАВЕН ПОВИК ЗА ИЗБОР НА ФОТОРЕПОРТЕР Опис на активностите на фоторепортерот: Фоторепортерот ќе биде ангажиран за изработка на фото и видео материјали при процесот на имплементирање на целокупниот проект, kако и подготовка и обработка на фото и видео материјали за секоја поединечна активност во согласност со проектниот тим, помладиот истражувач и фасилитаторот на работната група. Овие материјали ќе се користат како извор на верификација при реализирана активност, за десиминирање на проектните активности како и промоција. Очекувани резултати од работата на фоторепортерот: - Фоторепортирање на работни средби - Фоторепортирање на јавни настани - Доставена документација (договор и изјава за извршена работа, временска табела) Основни критериуми за селекција - Најмалку 2 години искуство во работа со фоторепортирање - Најниска понудена цена Период на спроведување Потребно е да се испорачаат услугите во времетраење од 20 експертски денови, во период од Јуни 2018 година - Октомври 2018 година. За учество на овој јавен повик, можете да се пријавите со испраќање на Ваше Мотивационо писмо, Кратка биографија (CV) и Пополнета Апликација Апликацијата се доставува во електронска форма: Адреса: contact@ycp.org.mk Предмет за електрoнска достава: „ЈАВЕН ПОВИК ЗА ИЗБОР НА ФОТОРЕПОРТЕР“ – Име и Презиме“ Краен рок за доставување на понуда е 13.06.2018, најдоцна до 16:00 ч. Понудите што ќе пристигнат по изминување на наведениот рок, како и оние кои не се доставени според условите на повикот, нема да бидат земени предвид. За подетални информации може да не контактирате на е-маил адреса: contact@ycp.org.mk Младински Совет Прилеп го имплементира проектот „Креирање на Локална Младинска Стратегија во Општина Крушево“ во рамките на „Граѓанските организации во служба на локална стратегија“, проект, чија што цел е да го зајакне влијанието на организациите од граѓанското општество во јавните политики на локално ниво. Проектот е спроведен од Европската Асоцијација за локална демократија (АЛДА) - Скопје, Европско движење Македонија и Здружението на финансиски работници на локалната самоуправа и јавни претпријатија со финансиска поддршка на Европската унија преку ИПА 2 инструментот. |
Home >
